Хан Дон Хун намаас хөөсөн шийдвэрийг хүчингүй болгохыг шаарджээ

Өмнөд Солонгосын сөрөг хүчний Ардын хүчний намын дарга асан, бие даагч гишүүн Хан Дон Хун намаас хөөсөн шийдвэрээ цуцлахыг Лхагва гарагт шаарджээ. Энэ тухай Корея Таймс сонин мэдээлэв.

Үүнээс өмнө намын ёс зүйн хорооны гишүүн Хван Гён Сон түүний болон өөр нэг гишүүний эсрэг сахилгын арга хэмжээг хуурамчаар зохион байгуулсан гэж мэдэгдэж, намын дарга Жан Дон Хёк үүнийг нуун дарагдуулахын тулд хорооны гишүүдийг солихыг оролдсон гэж буруутгажээ. Мэдээллээр, даргыг нь оролцуулаад хорооны 6 гишүүний 5 нь огцрох хүсэлтэй байгаагаа илэрхийлжээ.

Хан Үндэсний ассамблейд хийсэн хэвлэлийн бага хурлын үеэр сахилгын шийдвэрийг хүчингүй болгож, Жанг олон нийтээс уучлалт гуйхыг шаардсан байна.

Нам өөрийн нэр дэвшигчтэй байхад нөхөн сонгуульд Ханыг дэмжсэн зэргээр гишүүнчлэлээ 2 жил түдгэлзүүлсэн гишүүн Жин Жон О мөн хэвлэлийн бага хурал хийж, Жанг огцрохыг шаарджээ.

Жан эдгээр мэдэгдлийг няцааж, сахилгын ажиллагаанд ямар ч зөрчил гараагүй бөгөөд намын гишүүд “намыг доройтуулах” нь зохисгүй гэжээ.

Ханыг 1 дүгээр сард гэр бүлийнхэн нь хуучин Ерөнхийлөгч Юн Сок Ёл, түүний эхнэрийг гүтгэсэн сэтгэгдэл намын цахим самбарт бичсэн гэх үндэслэлээр намаас хөөсөн юм.