Хонконгт түүхэн дэх хамгийн халуун аравдугаар сарын дараа мягмар гарагаас хүйтний давалгаа ирнэ

Хонконгт түүхэн дэх хамгийн халуун аравдугаар сарын дараа энэ долоо хоногт хүйтний давалгаа ирэхийг Хонконг Фри Пресс сайт мэдээлжээ.

Даваа гарагт агаарын хэм 19 хэм хүртэл буурч, мягмар гарагт 16-23 хэмийн хооронд байна. Хүйтэн фронт Хятадын өмнөд эргийг гаталж, хуурай, сэрүүн агаар авчирна.

«Хүйтэн фронттой холбоотой хүчтэй зүүн хойд муссоны нөлөөгөөр өнөөдөр Гуандунд салхитай, агаарын хэм мэдэгдэхүйц буурна» гэж Цаг уурын төв мэдэгдсэн байна.

Лхагва гарагаас хойш агаарын хэм дахин нэмэгдэж, амралтын өдрүүдэд бороо орох төлөвтэй.

Цаг уурын төв аравдугаар сард сарын дундаж хамгийн өндөр температур 30.5 хэм байсныг бүртгэжээ. Хэвийнхээс сул зүүн хойд муссон, өмнөд Хятад дээрх хүчтэй антициклон, уур амьсгалын дулаарал, хүчтэй Эль-Ниньо үзэгдэл зэрэг нь улирлын бус дулааныг үүсгэсэн гэж төв тайлбарласан.

Беркли Эрт судалгааны байгууллагын мэдээллээр, Хонконг аж үйлдвэрийн хувьсгалаас хойш 1.7 хэмээр дулаарсан байна.