Хятад 4000 метрийн өндөрт ажиллах агаарын салхин цахилгаан станцыг амжилттай туршжээ
Өндрийн салхи илүү хурдтай, чиглэл тогтвортой, газар эзэлдэггүй давуу талтай.
ECNS1 мин унших
ECNSДэлхийн анхны 4000 метрийн ангиллын агаарын салхин цахилгаан үйлдвэрлэх систем Хунань мужийн Юэян хотод туршилтын нислэгээ амжилттай хийснийг И Си Эн Эс сайт мэдээлжээ.
Хотын орчинд анх удаа хийсэн туршилт нь нягт суурьшилтай бүс нутагт салхины эрчим хүч нийлүүлэх боломжийг харуулжээ.
Бээжингийн Сауэс Ту Ван Технолоджи компанийн бүтээсэн систем 67 метр урт, 40 метр өргөн, 23 метр өндөр, хамгийн дээд өргөгдөх өндөр нь 4000 метр бөгөөд 10-35 киловольтын хүчдэл гаргаж, 20 жил ашиглагдахаар зохион бүтээгдсэн байна.
Систем гелиар дүүргэсэн агаарын платформоор хөнгөн генераторуудыг хэдэн километрийн өндөрт өргөж, тогтвортой салхиар үйлдвэрлэсэн цахилгааныг уяаны кабелиар газарт дамжуулдаг.
«Хот бол эрчим хүчний гол хэрэглээний бүс, эцэст нь бид энэ эрчим хүч нийлүүлэх системийг хүн ам шигүү бүс нутагт байрлуулахыг зорьж байна» гэж компанийн үүсгэн байгуулагч, гүйцэтгэх захирал Дунь Тяньжуй хэлжээ.
Систем алслагдсан уулархаг нутаг, арал, уурхай, аж үйлдвэрийн парк зэрэг цахилгааны хүртээмж муу, үнэ өндөртэй газруудыг ч цэвэр эрчим хүчээр хангах боломжтой.
