Хятад, АНУ-ын албан тушаалтнууд худалдааны гол асуудлаар видео хурал хийжээ

Хятадын Төрийн зөвлөлийн Шадар сайд Хэ Лифэн, АНУ-ын Сангийн сайд Скотт Бессент, АНУ-ын Худалдааны төлөөлөгч Жеймисон Грир нар хоёр орны худалдаа, эдийн засгийн гол асуудлаар видео хурал хийснийг Хятадын хэвлэл мэдээлэлд үндэслэн Интерфакс агентлаг мэдээлжээ.

Хятадын хэвлэлийн мэдээлснээр талууд харилцан сонирхсон худалдаа, эдийн засгийн асуудлаар илэн далангүй, гүнзгий яриа өрнүүлсэн. Хоёр улсын тэргүүний Бээжин, Вашингтонд хийсэн уулзалтуудын үеэр хүрсэн тохиролцоо болон худалдааны хоёр талт зөвлөлдөөний үр дүнд голлон анхаарчээ.

Талууд хамтын ажиллагааг өргөжүүлэх, санал зөрөлдөөнөө зохистой шийдвэрлэхийн тулд худалдааны хоёр талт зөвлөлдөөний механизмыг цаашид үр дүнтэй ашиглахаар тохиролцсон байна.

Мөн хоёр орны худалдаа, эдийн засгийн харилцааг тогтвортой, эерэг хөгжүүлэх хүсэлтэй байгаагаа баталжээ. Энэ нь хүндэтгэл, шударга ёс, харилцан тэгш байдалд суурилсан, стратегийн хувьд тогтвортой Хятад-Америкийн харилцаанд хувь нэмэр болох учиртай.

Хятадын дарга Ши Жиньпин Вашингтонд айлчилсны дараа хоёр орны худалдааны эвлэрлийг 2026 оны 9 дүгээр сард сунгасан юм.

АНУ-ын Ерөнхийлөгч Дональд Трамп 2026 оны 11 дүгээр сарын 18-19-нд Хятадын Шэньжэнь хотод болох АПЕК-ийн дээд хэмжээний уулзалтад оролцох төлөвтэй гэж өмнө нь мэдээлж байжээ.