Хятад туннелийн машин нийлүүлэхгүй бол Энэтхэг өөрөө бүтээнэ гэж сайд хэлэв

Хятад туннел ухах машин нийлүүлэхээ зогсоовол Энэтхэг гуйхгүй, харин өөрөө бүтээж үйлдвэрлэнэ гэж Энэтхэгийн Худалдаа, аж үйлдвэрийн сайд Пиюш Гоял Мягмар гарагт хэлжээ. Энэ тухай Эр Эф Ай радио мэдээлэв.

Хятадын Худалдааны яам өнгөрсөн сард эдгээр машинд экспортын хяналт тогтоох шийдвэрээ зарласан байна.

«Бид аль ч улстай харилцаагаа эвдэх бодолгүй, өнөөдөр ч Хятадтай харилцаа сайн хэвээр» гэж Гоял хэлсэн байна.

Хятад газрын ховор элементийн экспортыг хязгаарлахад Энэтхэгийн засгийн газар гарааны компаниудтай холбогдож, ховор элементгүй цахилгаан хөдөлгүүр бүтээх боломжийг судалсан гэж тэрбээр ярьжээ.

Энэтхэг бол Хятадын туннелийн машины томоохон худалдан авагч юм. Хоёр улсын газар нутгийн маргаантай Гималайн хилийн бүсэд тус улс зам, төмөр замын сүлжээгээ өргөтгөж байгаа аж.

Блүүмберг агентлагийн мэдээллээр Хятад энэ машины дэлхийн зах зээлийн ойролцоогоор 70 хувийг эзэлдэг юм.