Хятад ирэх таван жилд 15 орчим шинэ нисэх буудал барина
Бээжин, Шанхай зэрэг хотын эргэн тойронд дэлхийн түвшний нисэх буудлын бүс байгуулах аж.
ECNS1 мин унших
ECNSХятад ирэх таван жилд 15 орчим шинэ иргэний нисэх буудал барихаар төлөвлөж байна гэж Үндэсний хөгжил, шинэчлэлийн хорооны дэд бүтцийн газрын дарга Ся Синь Лхагва гарагт мэдэгджээ. Энэ тухай И Си Эн Эс сайт мэдээлэв.
Тус улс 2026-2030 оны таван жилийн төлөвлөгөөний хугацаанд нисэхийн аюулгүй байдал, үйлчилгээ, дэд бүтцээ дэлхийн түвшинд хүргэхийг зорьж байна.
Бээжин, Шанхай, Гуанжоу, Шэньжэнь, Чэнду, Чунцин хотуудыг төв болгосон нисэх буудлын бүсүүд хөгжүүлнэ.
Үрүмчи, Сиань, Куньмин, Харбин хотуудын бүс нутгийн олон улсын нисэхийн төвийн үүргийг бэхжүүлэх аж.
Хөх хот, Сямэнь, Далянь хотын шинэ нисэх буудлыг дуусгаж, Гуанжоу, Наньтун хотод шинээр барьж эхлэх юм. Хилийн бүс нутагт ч нисэх буудал барихаар төлөвлөжээ.
Мөн олон улсын агаарын ачаа тээвэр, дотоодод үйлдвэрлэсэн том зорчигч тээврийн онгоцны хэрэглээг дэмжинэ.