Кибер хулгайд өртсөн Бинанс хэрэглэгчдийн мөнгө татах боломжийг сэргээжээ

Хакерын халдлагад өртөөд үйл ажиллагаагаа сэргээж буй Бинанс криптобирж хэрэглэгчдэд мөнгөө татах боломжийг эргүүлэн олгосныг Медуза мэдээлжээ.

Биржийн мэдээлснээр арваннэгдүгээр сарын 1-нд бараг арван цагийн дотор хэрэглэгчид 4.649 тэрбум ам.доллар татаж, 1.01 тэрбум ам.доллар оруулжээ. Цэвэр гарал нь 3.64 тэрбум ам.доллар буюу нийт хөрөнгийн 2.1 хувь болсон байна.

Бинанс хохирсон хөрөнгийн 95 орчим хувийг нөхсөн бөгөөд үлдсэн 5 хувь нь хөрвөх чадвар багатай токен юм.

Биржээс аравдугаар сарын 29-нд 6.3 тэрбум орчим ам.долларын хөрөнгө хулгайлагдсан нь криптобиржийн түүхэн дэх хамгийн том хулгай болжээ. Хойд Солонгосын Трейдер Трейтор бүлэг үүнд холбоотой гэж АНУ-ын Холбооны мөрдөх товчоо мэдэгдсэн бөгөөд 2.4 тэрбум орчим ам.долларыг Тезер, Сиркл компаниудын тусламжтай царцаасан юм.