Конгрессын гишүүн Масси Пентагоны тэргүүн Хегсетэд импичмент зарлах саналаа ирэх долоо хоногт оруулна

Бүгд найрамдах намын гишүүн Томас Масси Пентагоны тэргүүн Пит Хегсетэд импичмент зарлах асуудлыг АНУ-ын Төлөөлөгчдийн танхимд санал хураалтад оруулахаар зорьж байна гэж Интерфакс агентлаг мэдээлэв.

«Импичментийн санал оруулахгүй байх ганцхан хувилбар бий: Хегсет өөрөө огцрох» гэж Масси Икс сүлжээнд бичжээ. Тэрбээр асуудлыг ирэх долоо хоногт хэлэлцүүлэхээ Си Эн Эн телевизэд хэлсэн байна.

Бүгд найрамдах намын олон эх сурвалж Танхим уг санаачилгыг дэмжинэ гэж хүлээж байгаагаа телевизэд хэлжээ.

Телевизийн мэдээлснээр олон Бүгд найрамдахчид сонгуулийн ялагдлыг Хегсеттэй холбож байгаа аж. Тэд түүнийг ерөнхийлөгч Дональд Трампыг Ирантай байлдаанд ятгасан, мөргөлдөөнийг дуусгах төлөвлөгөө урьдчилан гаргаагүй гэж үзэж байна.

«Үгүй, би түүнийг ажлаа маш сайн хийж байна гэж бодож байна» гэж Трамп түүнийг огцруулах эсэх асуултад 11 дүгээр сарын 4-нд хариулжээ. Пентагон Хегсет бүрэн эрхийн хугацаа дуустал албан тушаалдаа үлдэнэ гэж мэдэгдсэн байна.

Демократууд 11 дүгээр сарын 3-ны сонгуулиар Конгрессын хоёр танхимд олонх болсон юм.