Литвийн Ерөнхийлөгчийн зөвлөх Оросыг зориуд өдөөн хатгахгүй гэж мэдэгдэв

Литва дотоод бодлогодоо анхаарах ёстой, Оросыг өдөөн хатгах ёсгүй гэж Литвийн Ерөнхийлөгчийн үндэсний аюулгүй байдлын зөвлөх Дейвидас Матуленис Элта агентлагт ярьсныг РИА Новости мэдээлжээ.

«Бид Оросыг зориуд өдөөн хатгах, цочроохгүй нь гарцаагүй» гэж тэрбээр хэлжээ. Түрэмгий үг хэллэг хурцадмал байдлыг даамжруулж болзошгүй гэж Матуленис үзэж байна.

Литва, Латви, Эстони зэрэг НАТО-гийн хэд хэдэн гишүүн орноос Оросын эсрэг үг хэллэгээ зөөлрүүлэхийг Пентагон хүссэн гэж Ройтерс агентлаг эх сурвалжийг иш татан өмнө нь мэдээлсэн юм.

Оросын Ерөнхийлөгчийн хэвлэлийн төлөөлөгч Дмитрий Песков энэ мэдээг тайлбарлахдаа Балтийн орнуудын үг хэллэгийг туйлын түрэмгий гэж тодорхойлжээ. Үүнээс өмнө мөн өдөр Эстонийн Ерөнхий сайд Кристен Михал Оросын талаарх үг хэллэгээ зөөлрүүлэх бодолгүй байгаагаа илэрхийлсэн юм.