Тува дахь нүүрсний ордын барилгад гал гарч, 11 хүн гэмтжээ

ОХУ-ын Тува дахь Межегейн нүүрсний ордод нэг давхар барилгад гал гарч, 11 хүн гэмтсэний дөрөв нь эмнэлэгт хэвтсэн гэж бүс нутгийн Онцгой байдлын газрын мэдээллийг иш татан РИА Новости мэдээлжээ.

Дуудлага арваннэгдүгээр сарын 1-ний шөнийн хоёр цагт Кочетово тосгоноос 4.7 километрийн зайд орших Межегейуголь компанийн талбайгаас иржээ.

Анхны анги ирэхэд нэг давхар барилга 250 квадрат метр талбайд шатаж байжээ. Галыг 19 гал сөнөөгч, 7 техник унтраасан байна.

Захиргаа, ахуйн зориулалттай барилгаас нийт 181 хүн өөрсдөө гарчээ.

Цахилгаан тоног төхөөрөмж, сүлжээнд богино холболт болсон нь галын урьдчилсан шалтгаан гэж үзэж байна.