Лукашенко Европ руу чиглэсэн дүрвэгсдийг хил дээр барихгүй гэж мэдэгдэв

Беларусь дүрвэгсдийг тус улсаар дамжин Европын Холбооны орнууд руу явахад саад болохгүй гэж Ерөнхийлөгч Александр Лукашенко Евразийн аюулгүй байдлын Минскийн бага хуралд мэдэгджээ. Энэ тухай Интерфакс агентлаг мэдээлэв.

«Бид хэнийг ч барихгүй» гэж тэрбээр хэлсэн байна.

Лукашенкогийн хэлснээр, Беларусьт үлдсэн дүрвэгсэд тус улсын иргэдтэй адил эрх эдэлж, дайн эхэлснээс хойш Украины хагас сая шахам иргэн иржээ.

Украинчуудад, ялангуяа ажиллах хүч дутагдаж буй хөдөө орон сууц олгож, хүүхдүүдэд нь цэцэрлэг, боловсрол хангадаг гэж тэрбээр тайлбарласан байна.

Цагаачдад эхний өдрөөс үнэгүй эмнэлэг, боловсрол, цалин хангадаг гэж Лукашенко онцолжээ. Европын Холбооны зарим оронд огт өөрөөр ханддаг гэж тэрбээр шүүмжилсэн байна.

Беларусьт Узбекистан, Туркменистанаас мөн цагаачид ирж, Пакистантай ч тохиролцсон юм.