ОХУ НҮБ-ын Баруун Сахар дахь төлөөлөгчийн газар татан буугдаж байгаад харамсаж байна гэв

НҮБ-ын Баруун Сахар дахь төлөөлөгчийн газрын ажиллагаа зогсох болсонд ОХУ харамсаж байна гэж тус улсын Гадаад хэргийн яамны албан ёсны төлөөлөгч Мария Захарова ням гарагт мэдэгдсэн гэж Интерфакс агентлаг мэдээлэв.

Захарова Баруун Сахарт бүх нийтийн санал асуулга явуулах НҮБ-ын төлөөлөгчийн газрын бүрэн эрхийн хугацаа аравдугаар сарын 31-нд дууссаныг сануулжээ.

Түүний хэлснээр АНУ зохицуулалтыг зохиомлоор хурдасгахыг эрмэлзэж, уг хугацаа дуусахын өмнө төлөөлөгчийн газрын бүрэн эрхийг эрс танаж, санал асуулга зохион байгуулахаас татгалзахыг шаардсан байна. Гэвч Марокко, Алжир зэрэг шууд холбогдох талууд тус нутгийн хүн ам хувь заяагаа өөрөө шийдэх боломж олгох нь чухал гэж санал нэгдэж байсан аж.

ОХУ баруун сахарчуудыг санал өгөх эрхээс нь хасах санаачилгыг дэмжиж чадаагүй бөгөөд америкчууд өмнөх бүрэн эрхийн хугацаа сунгах саналыг эсэргүүцсэнээр төлөөлөгчийн газар татан буугдах ирмэгт ирсэн гэж Захарова үзэж байна.

Захаровагийн хэлснээр ОХУ энэ асуудлаар Алжир, Марокко болон бусад түншүүдтэйгээ нягт холбоотой ажилласаар байгаа юм.