Олешки дахь хүмүүнлэгийн ажиллагаа дууссаныг Оросын хүний эрхийн комиссар зарлав

Херсон мужийн Олешки хот дахь хүмүүнлэгийн ажиллагаа Москвагийн цагаар арваннэгдүгээр сарын 1-ний 23:59-д албан ёсоор дууссаныг Оросын хүний эрхийн комиссар Яна Лантратова мэдэгдсэн гэж Ведомости мэдээлжээ.

Лантратова Украины комиссар Дмитрий Лубинецтэй эцсийн хэлэлцээг Беларусийн Гомель хотод хийж, хоёр тал орос, украин хэл дээр хэлэлцээрт гарын үсэг зурсан аж. Гал зогсоох горим аравдугаар сарын 27-ны өглөөний 4 цагаас үйлчилжээ.

Гал зогсоолтын үеэр хүмүүнлэгийн цуваа зорчих замыг минаас цэвэрлэх ажил хамгийн хэцүү байсан гэж тэрбээр хэлжээ.

Аравдугаар сарын 30-нд хотод хэдэн арван тонн хоол хүнс, эм, ундны ус, генераторын шатахуун хүргэж эхэлсэн юм. Украин руу явахыг хүссэн иргэдийг Гомель рүү илгээж, зарим нь Орост үлдсэн байна.