Олон улсын эрүүгийн шүүх Дутертегийн хэргийн урьдчилсан хэлэлцүүлгийг дуусгажээ
Шүүх хурал энэ сарын сүүлээр нээгдэх бөгөөд шүүгч яллагдагчийг өдөр бүр оролцохыг шаардаж байна.
Олон улсын эрүүгийн шүүх хүн төрөлхтний эсрэг гэмт хэрэгт буруутгагдаж буй Филиппиний хуучин Ерөнхийлөгч Родриго Дутертегийн хэргийн урьдчилсан хэлэлцүүлгийг даваа гаригт дуусгасан гэж Рэпплер сайт мэдээлжээ.
Дутерте сүүлчийн хэлэлцүүлэгт оролцох эрхээсээ татгалзаж, шүүх зөвшөөрчээ. Гэхдээ шүүх хурал эхэлмэгц түүнийг өдөр бүр ирэхийг хүлээж байна гэж Тэргүүлэгч шүүгч Жоанна Корнер хэлсэн байна.
Шүүх хурал арваннэгдүгээр сарын 30-нд яллагчийн, дараа нь хохирогчдын өмгөөлөгчдийн нээлтийн үгээр эхэлнэ.
Яллагч дөрвөөс зургаан цаг, хохирогчдын тал гурван цаг орчим зарцуулах төлөвтэй. Өмгөөлөгч Питер Хэйнс мөн нээлтийн үеэр үг хэлэх магадлал өндөр гэжээ.
Хохирогчдын өмгөөлөгч Паолина Массидда нээлтийн үгийн зарим хэсгийг тагалог хэлээр хэлэхийг хүссэн байна. Корнер шүүхийн ажлын хэл нь англи, франц бөгөөд тагалог хэл бүх хохирогчийн хэл биш гэж тайлбарлажээ.
Мэргэжилтнүүдийн зөвлөснөөр Дутерте нэг цагаас илүү суух ёсгүй тул цаг тутамд 30 минутын завсарлага авах юм. Яллагч эхний шатанд таван гэрч дуудах бөгөөд дор хаяж 29 гэрч цахимаар мэдүүлэг өгнө.
Дутерте 2025 оны гуравдугаар сараас хойш Нидерландын Гаага хотод хоригдож байгаа юм.
/file/attachments/orphans/Tumi-top5-IEC2_207980.jpg)
