Өмнөд Солонгосын ерөнхийлөгч болон ажилтнуудын хувийн мэдээлэл задарчээ

Өмнөд Солонгосын Ерөнхийлөгч Ли Жэ Мён болон тамгын газрын ажилтнуудын хувийн мэдээлэл задарсан гэж орон нутгийн телевиз мэдээлснийг Ёнхап агентлаг дамжуулжээ.

Кей Би Эс телевизийн мэдээлснээр Ли, түүний тамгын газар, Гадаад хэргийн яамны ажилтнууд, сэтгүүлчид зэрэг 168 хүний мэдээлэл «Зорчигчдын жагсаалт» нэртэй файлаар вэбсайтад тавигджээ.

Жагсаалт Ли зургадугаар сард Бельги, Итали, Франц руу хийсэн айлчлалын онгоцны зорчигчидтай холбоотой бололтой.

Файлд нэр, албан тушаал, төрсөн огноо, паспортын дугаар зэрэг мэдээлэл багтсан байна. Айлчлалаас өмнө буюу зургадугаар сарын 2-нд тавигдсан файлыг татаж авах боломжтой байсан аж.

Тамгын газар энэ мэдээллийг урьдчилан мэдэж, арга хэмжээ авсан гэж хариулжээ. Гадаад хэргийн яам зэрэг бусад байгууллага ч нэмэлт алхам хийх юм.