Орост сүрьеэгийн өвчлөл 2000-аад оноос хойш 4 гаруй дахин буурчээ

Орост сүрьеэгийн өвчлөл 2000-аад оны эхнээс хойш 4 гаруй дахин, нас баралт 7.3 дахин буурсныг ОХУ-ын Эрүүл мэндийн сайд Михаил Мурашко мэдэгджээ. Энэ тухай Интерфакс агентлаг мэдээлэв.

“ОХУ сүрьеэгийн өвчлөл, нас баралтыг бууруулах хурдаараа тэргүүлэх байр суурь эзэлж, жил бүр түүхэн доод түвшинг шинэчилж байна” гэж Мурашко Нийгмийн ач холбогдолтой халдварын олон улсын их хурлын үеэр хэлжээ. Түүний хэлснээр, хүүхдийн нас баралт гараагүй байна.

Сайдын хэлснээр, урьдчилан сэргийлэх үзлэгт хүн амын 78 гаруй хувь хамрагдаж, Оросын 10 бүс нутаг сүрьеэг устгах түвшинд ойртжээ. Эмч нар зураг шинжлэхдээ хиймэл оюуны технологи ашиглах болсон нь оношлогоог хурдан, нарийвчлалтай болгож байна.

Оросын эрдэмтэд, эмч нар микобактерийн эмэнд тэсвэртэй байдлыг судалснаар химийн эмчилгээг хувь хүнд тохируулан сонгох боломжтой болж, олон эмэнд тэсвэртэй өвчтөнүүдийн эмчилгээний үр дүн сайжирсан байна.