Оросын даатгагчид цахилгаан машиныг хакерын халдлагаас даатгаж эхэлжээ

Оросын даатгалын компаниуд автомашины сайн дурын даатгалд кибер эрсдэл, тэр дундаа цахилгаан машиныг хакерын халдлагаас хамгаалах хамгаалалтыг багтааж эхэлсэн гэж Коммерсантъ сонин бичжээ. Энэ тухай Ведомости сонин мэдээлэв.

Росгосстрах компани хууль бус нөлөөллийн улмаас цахилгаан машиныг ашиглах боломжгүй болсон тохиолдолд түгжээг тайлах, засварын газар хүргэх, програм хангамжийг дахин суулгах зардлыг даатгалдаа багтаажээ.

АльфаСтрахование компани батарей, цахилгаан мотор зэрэг тоног төхөөрөмж эвдрэхийг даатгалдаа хамруулж байгаа бөгөөд цаашид гэмт этгээдүүд машины удирдлагыг булаан авах эрсдэлийг ч хамруулахаар төлөвлөж байна. Ингосстрах зах зээлд эрэлттэй бол энэ чиглэлийг хөгжүүлнэ гэжээ.

Автостат агентлагийн захирал Сергей Целиков 10 дугаар сарын 26-нд Орост цахилгаан машины борлуулалт буурч байгааг мэдэгдсэн юм. Тэрбээр эрэлт буурсныг шатахууны нөхцөл байдал хэвийн болсон, төрийн дэмжлэгийн хөтөлбөр түр дууссантай холбон тайлбарласан байна.

10 дугаар сарын 19-25-ны долоо хоногт 775 цахилгаан машин зарагдаж, зах зээлийн 2.7 хувийг эзэлсэн бол цэнэглэдэг 1952 гибрид зарагдаж, тэдний эзлэх хувь 6.9 хувь болж буурчээ.