Оросын хүүхдүүдийн гадаадад хэл сурах хамгийн эрэлттэй чиглэл Их Британи хэвээр байна

Оросын хүүхдүүдийг гадаадад хэлний сургалтад хамруулах эрэлт 2020 оноос хойш нэлээд буурсан ч хадгалагдсаар байгаа бөгөөд Их Британи хамгийн эрэлттэй чиглэл хэвээр байна гэж зах зээлийн оролцогчид мэдэгджээ. Энэ тухай Интерфакс агентлаг мэдээлэв.

БСИ Групп аялал жуулчлалын компанийн мэдээллээр, хүүхдийг гадаадад хэл сургах хүсэлтийн 90 хувь нь Их Британид ногддог бөгөөд үүний 60 орчим хувь нь бүлгээр, 40 хувь нь ганцаарчлан явдаг. Үлдсэн 10 хувийн 3 хувь нь Швейцари, Испани, Кипр зэрэг Европ, 2 орчим хувь нь Турк, 5 хувь нь Ази руу явдаг аж.

Азийн чиглэлийн 2 хувь нь хятад хэл сурахаар Хятад руу, 3 хувь нь англи хэл сурахаар Малайз, Сингапур руу явдаг байна.

Оросын аялал жуулчлалын холбооны хүүхдийн амралтын комиссын дарга Татьяна Иванова сүүлийн жилүүдэд виз авах, тээвэр зохион байгуулах нь хүндэрсэн тул Европ руу боловсролын аялал хийх эрэлт буурч, олон эцэг эх Ази руу анхаарлаа хандуулсныг онцолжээ.

Хятадаас гадна Өмнөд Солонгос, Сингапурыг сонирхох нь нэмэгдэж, визгүй зорчих боломжтой Малайз англи хэл сурах өөр сонголт болжээ.