Оросын Төрийн Дум Кубын бүслэлтийг зогсоохыг НҮБ-д уриалжээ

ОХУ-ын Төрийн Дум НҮБ-ын Ерөнхий Ассамблей, гишүүн орнуудын парламентуудад Кубын эсрэг эдийн засаг, худалдаа, санхүүгийн бүслэлтийг зогсоохыг уриалсан хандлагыг санал нэгтэй баталжээ. Энэ тухай Ведомости сонин мэдээлэв.

“Худалдааны дайныг зогсоох хэрэгтэй, энэ нь бүгдэд хор хохирол учруулдаг” гэж Төрийн Думын дарга Вячеслав Володин хэлжээ. Тэрбээр Оросын эсрэг гучин таван мянга гаруй хориг арга хэмжээ авсан ч эдийн засгийг нь сүйрүүлж чадаагүй гэж үзсэн байна.

Төрийн Думын Олон улсын харилцааны хороо 11 дүгээр сарын 6-нд хандлагын төслийг өргөн барьсан бөгөөд депутатууд АНУ-ын хоригийг гадаад бодлогын дарамт үзүүлэх зохисгүй хэрэгсэл гэж нэрлэж, Кубын хүмүүнлэгийн байдлыг дордуулж байна гэжээ.

Мексикийн Эль Универсаль сонин 10 дугаар сарын 6-нд АНУ-ын хоригийн аюулын улмаас Мексикээс Куба руу түлш нийлүүлэх нь зогссон гэж мэдээлж байсан юм.

Кубын Гадаад хэргийн сайд Бруно Родригес Паррилья 9 дүгээр сард 2025 оны 3 дугаар сараас 2026 оны 2 дугаар сар хүртэлх хугацаанд АНУ-ын бүслэлтээс 8.08 тэрбум ам.долларын хохирол учирсан гэж тооцоолсон юм. Түүний хэлснээр, олон арван жилийн нийт хохирол 178.7 тэрбум ам.долларт хүрчээ.