Оросын зэвсэгт хүчин аравдугаар сард Украины гүүрнүүдэд таван удаа цохилт өгчээ

Оросын зэвсэгт хүчин аравдугаар сард цэргийн ачаа тээвэрлэхэд ашиглагдаж байсан Украины гүүрнүүдэд таван удаа цохилт өгсөн гэж ОХУ-ын Батлан хамгаалах яамны мэдээлэлд тулгуурлан РИА Новости агентлаг тооцоолжээ.

Агентлагийн тооцоогоор аравдугаар сарын 1-нээс 31-ний хооронд Оросын цэргийн газар Украины зэвсэгт хүчний цэрэг, ачаа тээвэрлэлтийг хангаж байсан гүүрнүүдэд цохилт өгсөн таван тусдаа тохиолдлын талаар мэдээлсэн байна.

Яамны мэдээлснээр аравдугаар сарын 3, 4-нд Киев дэх Днепр мөрний Хойд авто замын гүүрэнд цохилт өгчээ. Энэ гүүр цэрэг шилжүүлэх, цэргийн ачааны ложистикийг хангаж байжээ.

Аравдугаар сарын 22, 27-ны өдрийн мэдээ Киевийн Өмнөд авто болон төмөр замын гүүрний тухай байсан бөгөөд яамны мэдээлснээр уг гүүрээр цэргийн ачааг дамжин тээвэрлэж байжээ.

Мөн аравдугаар сарын 2-нд яам Донбасс дахь Украины цэргийн бүлгүүдэд цэрэг, ачаа нийлүүлж байсан Киевийн Днепр мөрний авто болон төмөр замын гүүрэнд цохилт өгснөө мэдээлсэн байна.

ОХУ-ын Зэвсэгт хүчний Жанжин штабын дарга Валерий Герасимов аравдугаар сарын 16-нд Ерөнхийлөгч Владимир Путинд илтгэхдээ Оросын цэргүүд стратегийн ач холбогдолтой гүүр, төмөр замын байгууламж, дата төвүүдэд цохилт өгч байгааг мэдэгдсэн юм.