Оросын зэвсэгт хүчин аравдугаар сард Украины таван дата төвийг устгажээ

Оросын зэвсэгт хүчин аравдугаар сард Украины Зэвсэгт хүчний ашиг сонирхолд ашиглагдаж байсан таван дата төвд цохилт өгсөн гэж ОХУ-ын Батлан хамгаалах яамны мэдээлэлд тулгуурлан РИА Новости агентлаг тооцоолжээ.

Агентлагийн судалсан мэдээллээр аравдугаар сарын 1-нээс 31-ний хооронд Оросын цэргийн газар таван өөр дата төвд цохилт өгсөн тухай зургаан удаа мэдээлсэн байна. Тэдгээрийн нэг болох Киев дэх «АТМ Укрсиббанк» төвд цохилт өгсөн тухай хоёр удаа мэдээлжээ.

ОХУ-ын Зэвсэгт хүчний Жанжин штабын дарга Валерий Герасимов аравдугаар сарын 16-нд Ерөнхийлөгч Владимир Путинд илтгэхдээ Оросын цэргүүд стратегийн ач холбогдолтой гүүр, төмөр замын байгууламж, Украины армийн хэрэгцээнд ашиглагдаж буй дата төвүүдэд цохилт өгч байгааг мэдэгдсэн.

Путин тэр үед Украины цэргийн аж үйлдвэрийн байгууламж, ложистикийн төвүүдэд өргөн цар хүрээтэй цохилт өгөхийг үргэлжлүүлэх шаардлагатай гэж мэдэгдсэн байна.

Яамны аравдугаар сарын мэдээнд мөн Одесса болон Одесса мужийн Хостинг-ЮА, Николаевын Ар Икс-Нейм, Одессагийн «Тенет», Киев болон Киев мужийн «Дата Групп» дата төвүүдийг дурдсан байна.

Яамны мэдээлснээр эдгээр байгууламжийг Украины цэргийн ашиг сонирхолд мэдээлэл боловсруулах, хадгалах, дамжуулахад ашиглаж байжээ. Тухайлбал, «АТМ Укрсиббанк» тагнуулын мэдээлэл цуглуулж боловсруулахад оролцож байсан аж.