Османы цэргийн найрал хөгжим уур амьсгалын бага хуралд дэлхийн удирдагчдыг угтжээ

Османы хэв маягийн цэргийн найрал хөгжим Лхагва буюу 11 дүгээр сарын 11-нд Туркийн Анталья хотод болж буй НҮБ-ын уур амьсгалын бага хурлын байранд олон улсын төлөөлөгчдийг угтжээ. Энэ тухай Евроньюс мэдээлэв.

Туркийн Үндэсний батлан хамгаалах яамны Мехтер найрал хөгжмийн гишүүд уламжлалт цэргийн хувцастай, удирдагчдын дээд хэмжээний уулзалтад ирж буй оролцогчдыг хөгжөөнт марш тоглон угтсан байна. Зарим гадаад зочид алга ташиж, зарим нь бүжиглэн, гар утсандаа бичиж авчээ.

Тоглолт бага хурлын гурав дахь өдөр, Туркийн Ерөнхийлөгч Режеп Тайип Эрдоганы зохион байгуулж буй, 11 дүгээр сарын 11, 12-нд болох Антальягийн удирдагчдын дээд хэмжээний уулзалтын өмнө болжээ.

Мехтерийн уламжлал Османы эзэнт гүрний цэргийн найрал хөгжимтэй холбоотой бөгөөд хүчтэй цохиур, үлээвэр хөгжим нь ёслолын онцлог хэсэг байсан юм. Одоогийн найрал хөгжим 2026 оны НАТО-гийн дээд хэмжээний уулзалт зэрэг олон улсын томоохон арга хэмжээнд тоглож байжээ.