Тайванийн орон нутгийн сонгуульд Жанхуа мужийн сонгогчдын 42 хувь шийдээгүй байна

Тайваньд 11 дүгээр сарын 28-нд болох орон нутгийн сонгуулийн өмнө хамгийн том Жанхуа мужийн санал асуулгад оролцогчдын 42 хувь байр сууриа илэрхийлээгүй байна гэж Эр Эф Ай радио мэдээлэв.

Энэ сонгуулийг Ерөнхийлөгч Лай Чинтэгийн завсрын шалгалт, 2028 оны ерөнхийлөгчийн сонгуулийн гараа гэж үзэж байгаа юм.

Жанхуа мужид 1.2 сая орчим хүн амьдардаг бөгөөд ерөнхийлөгчийн сонгуулийн дүн нь улсын дунджид маш ойр гардаг аж.

10 дугаар сарын дунд хийсэн санал асуулгаар Ардчилсан дэвшилтэт намын Чэнь Сүюэ 32, Гоминьданы Вэй Пинжэн 16, бие даагч Чю Жяньфү 10 хувийн дэмжлэгтэй байна.

Гоминьданы гишүүн, одоогийн муж дарга Ван Хуэймэй нэр дэвшигчээ дэмжихээ албан ёсоор илэрхийлээгүй байна. Намын дарга Жэн Ливэнь долоо хоногт дөрвөн удаа тус мужид очиж, нэгдэхийг уриалжээ.

Ардчилсан дэвшилтэт намын Чю Жяньфү намын урьдчилсан шалгаруулалтын дүнд дургүйцэн намаа орхиж, бие даан өрсөлдөж байгаа юм.

Уламжлалт үйлдвэрийн шинэчлэл, залуучуудын бага цалин сонгуулийн гол сэдэв болжээ. Нэр дэвшигчдийн телевизийн мэтгэлцээн энэ сарын 18-нд болно.