Япон долдугаар сарын 30-нд иенээ дэмжихээр нэг өдөрт дээд амжилт болох 7.98 их наяд иен худалдан авчээ

Япон долдугаар сарын 30-нд валютын зах зээлд иенээ дэмжихийн тулд нэг өдөрт дээд амжилт болох 7.98 их наяд иен худалдан авсныг Сангийн яамны даваа гарагт нийтэлсэн мэдээлэлд үндэслэн Кёдо агентлаг мэдээлжээ.

Гуравдугаар улирлын мэдээллээр, Япон иенийг ам.доллартай харьцах ханшийг дэмжихийн тулд долдугаар сарын 30, 31, наймдугаар сарын 3-нд нийт 15.4 их наяд иен худалдан авсан байна.

Долдугаар сарын 31-нд Япон, АНУ 28 жилийн дараа анх удаа хамтран иен худалдан авах арга хэмжээ авч, Япон 5.55 их наяд иен зарцуулжээ.

Иен долдугаар сарын сүүлээр ам.доллартай харьцах ханш 163-ын дээд түвшинд хүрч, 39 жил найман сарын хамгийн сул түвшинд унасны дараа эрх баригчид ер бусын их хэмжээгээр оролцсон юм.