АНУ-д Трампын нуман хаалганы барилгыг зогсоохыг шүүхээр шаарджээ

Колумбийн тойрог, Виржиниа мужийн эрх баригчид АНУ-ын Ерөнхийлөгч Дональд Трампын санал болгосон Вашингтон дахь ялалтын нуман хаалганы барилгыг зогсоохыг шаардаж холбооны шүүхэд хандсан гэж Америкийн Си Эн Би Си телевизийг иш татан Ведомости сонин мэдээлжээ. Энэ нь уг төслийн эсрэг гаргасан гурав дахь нэхэмжлэл юм.

Нуман хаалгыг Потомак голын гүүрний ойролцоох талбайд барихаар төлөвлөж байгаа бөгөөд өндөр нь Эрх чөлөөний хөшөөнөөс 30 метрээр илүү байх юм.

Колумбийн тойрог, Виржиниагийн ерөнхий прокурорууд төслийг хэрэгжүүлбэл хоёр нутаг дэвсгэрт нөхөж баршгүй хохирол учирна гэж үзэж байна. Барилга гол авто замын орчимд гурван жил орчим үргэлжлэх тул замын түгжрэл, байгаль орчны бохирдол үүсгэж, борооны ус Потомак гол руу урсаж, онцгой байдлын албадын ажилд саад учруулна гэж нэхэмжлэгчид үзжээ.

Прокурорууд Трампын засаг захиргаа ирэх долоо хоногт эхлүүлэхээр төлөвлөсөн барилгын ажлыг түр зогсоох шүүхийн шийдвэр гаргуулахыг хүсэж байна.

Трамп есдүгээр сарын 20-нд нуман хаалгыг орчин үеийн цэргийн цогцолбор болгох төлөвлөгөөгөө зарласан бөгөөд байгууламжийг олон тооны нисгэгчгүй онгоц байрлуулах, хадгалах, ашиглахад зориулна гэж мэдэгдсэн юм. Түүний хэлснээр Вашингтон бол дэлхийн тэргүүлэх 59 хот, нийслэлийн дундаас ялалтын нуман хаалгагүй цорын ганц хот юм.