Фейхоо Марокко финалыг зохион байгуулбал Испани Дэлхийн аваргын хамтран зохион байгуулагчаас гарах ёстой гэжээ

Испанийн консерватив Ардын намын удирдагч, энэ сарын ээлжит бус сонгуулийн дараа дараагийн ерөнхий сайд болох гол нэр дэвшигч Альберто Нуньес Фейхоо Марокко 2030 оны хөлбөмбөгийн дэлхийн аваргын финалыг зохион байгуулах эрх авбал Испани хамтран зохион байгуулагчаас гарах ёстой гэж мэдэгдсэнийг Политико Юроп сайт мэдээлжээ.

«Финалыг зохион байгуулахгүй бол Испани дэлхийн аваргыг зохион байгуулахад оролцох ёсгүй» гэж Фейхоо спортын телевизийн нэвтрүүлэгт хэлжээ.

2030 оны дэлхийн аварга анх Испани, Португалийн хамтарсан санал байсан бөгөөд Мароккод хожим урилга өгсөн юм.

Хоёр орны хооронд сүүлийн саруудад хурцадмал байдал үүсчээ. Испанийн улс төрийн намууд 7 дугаар сарын сүүлээр 80 мянган хүн Испанийн Хойд Африк дахь Сеута хот руу бөөнөөр орж ирсэн цагаачлалын хямралыг Марокко өдөөсөн гэж буруутгасан юм.

Сеутагийн хямралын дараа Эль Мундо сонины захиалгаар явуулсан санал асуулгаар испаничуудын 84.4 хувь нь Испани Мароккотой хамтран дэлхийн аварга зохион байгуулахыг эсэргүүцжээ.