Финлянд Оросын тамирчдын нэвтрэхийг хязгаарлах арга хэмжээ бэлтгэж байна

Финляндын Гадаад хэргийн яам мэргэжлийн тамирчид зэрэг Оросын иргэдийн нэвтрэхийг хязгаарлах нэмэлт арга хэмжээ бэлтгэж байгааг Ерөнхий сайд Петтери Орпо мэдэгдсэнийг Медуза сайт мэдээлжээ.

Орпогийн хэлснээр шинэ арга хэмжээг богино хугацаанд бэлтгэнэ. Тэрбээр Оросын иргэдийг Финляндад нэвтрүүлэхийг бүрэн хориглох нь нийцтэй шийдвэр болно гэж үзжээ.

Оросын тамирчид мөн 11 дүгээр сарын 20-21-нд Хельсинкид болох уран гулгалтын тэмцээн, 11 дүгээр сарын 27-29-нд Рука хотод болох цанын дэлхийн цомын шатанд оролцохоор төлөвлөж байна.

Спортын арбитрын шүүх 10 дугаар сард Оросын шигшээ багийг олон улсын хоккейн тэмцээнд эргүүлэн оруулах шийдвэр гаргажээ. Швед, Финлянд, Латви, Норвеги, Дани, Чехийн хоккейн холбоод Оросын шигшээ багтай тоглохоос татгалзаж байгаагаа мэдэгдсэн байна.

Финлянд 2022 онд Орос Украины эсрэг бүрэн хэмжээний дайн эхлүүлсний дараа Оросын иргэдийн нэвтрэлтийг хязгаарлаж, жуулчны виз олгохоо зогсоосон юм.