Кенийн шүүх сектийн удирдагч Пол Маккензид 190 хүүхдийг хөнөөсөн хэргээр 200 жилийн хорих ял оноожээ

Кенийн шүүх Олон улсын сайн мэдээний сүм сектийн удирдагч Пол Маккензид 190 хүүхэд, нэг насанд хүрсэн хүнийг хөнөөсөн хэргээр 200 жилийн хорих ял оноосныг Медуза сайт мэдээлжээ.

Тэрбээр хүн амины хэргээр 100 жил, хүмүүсийг өлсгөлөнгөөр үхэлд хүргэсэн гэмт хэргээр дахин 100 жилийн хорих ял авчээ.

Маккензи удахгүй дэлхий сөнөнө гэж дагалдагчдадаа зарлаж, ертөнцийн төгсгөлөөс өмнө Есүстэй уулзахын тулд өлсгөлөн хийхийг уриалж байжээ. Түүний туслахууд сектийн гишүүдийг айлган сүрдүүлж, зодож, Маккензийн тушаалыг биелүүлэхийг шаардаж байв.

Маккензийг 2023 онд сектийн гишүүдийн амьдарч байсан ойгоос туйлдсан хүмүүсийн хэдэн арван булш олдсоны дараа баривчилжээ. Тэдний зарим нь амьдаар нь оршуулагдсан болох нь хожим тогтоогджээ. Шүүх одоогоор дагалдагчдын 191-ийнх нь үхлийг л хэлэлцсэн бөгөөд бусдын үхлийн шалтгааныг мөрдөн шалгасаар байна.

Маккензийн эхнэр зэрэг ойрын 28 хамсаатанд 10-160 жилийн хорих ял оноожээ. Сектийн удирдагч гэм буруугаа хүлээгээгүй юм.