Германы арми энэ онд сургууль, их сургуулиудад 4737 удаа зочилжээ

Германы зэвсэгт хүчин бундесвер 2026 онд тус улсын сургууль, их сургуулиудад 4737 удаа зочилсныг Рейнише Пост сонин Батлан хамгаалах яамны хариуг иш татан бичсэн тухай РИА Новости агентлаг мэдээлжээ. Яам уг мэдээллийг Бундестаг дахь Зүүний намын фракцын асуулгад хариулахдаа өгсөн байна.

Оны эцэс хүртэл улс даяар 500 гаруй ийм арга хэмжээ зохион байгуулахаар төлөвлөжээ.

Хамгийн олон айлчлал Бавари мужид болж, тэнд энэ онд 1026 удаа зочилжээ. Хойд Рейн-Вестфалид 645, Доод Саксонид 609 удаа зочилсон бол хамгийн цөөн нь Саарт 21, Бременд 14 удаа байна.

Өмнө нь ДПА агентлаг Германы зуу орчим хотод 45 мянга орчим сурагч заавал цэргийн алба хаахыг эсэргүүцэн ажил хаясан тухай мэдээлж байсан юм.

Германд 1 дүгээр сарын 1-нээс цэргийн албаны тухай шинэ хууль хэрэгжиж эхэлсэн юм. Хууль сайн дурын цэрэг татлагыг хэвээр үлдээж, 18 насны бүх эрэгтэй залууг цэргийн бүртгэлд хамруулах, 2027 оноос заавал эрүүл мэндийн үзлэгт оруулахыг заасан байна. Сайн дурын цэрэг дутагдах эсвэл аюулгүй байдал муудвал 2011 онд түдгэлзүүлсэн цэргийн албыг сэргээх боломжийг ч хууль олгодог.