Хятадын гурван геологийн дурсгалт газар дэлхийн өвийн жагсаалтад нэмэгджээ
Сяньшуйхэ хагарлыг тивийн доторх газар хөдлөлтийг судлах байгалийн лаборатори гэж эрдэмтэд үнэлж байна.
ECNS1 мин унших
ECNSХятадын гурван геологийн дурсгалт газар дэлхийд хүлээн зөвшөөрөгдсөн 100 геологийн өвийн гурав дахь багцад багтаж, тус улсын нийт тоо 13 болсныг Байгалийн баялгийн яамны харьяа Хятадын геологийн алба Лхагва гарагт мэдэгджээ. Энэ тухай Хятадын И Си Эн Эс сайт мэдээлэв.
Олон улсын геологийн шинжлэх ухааны холбоо саяхан Португалд шинэ жагсаалтаа зарласан юм. Үүнд Сычуань мужийн баруун хэсгийн Сяньшуйхэ хагарал, Чунцин хотын Юньянгийн Дунд Юрийн галвын үлэг гүрвэлийн чулуужсан ясны цогц, Триасын үеийн Дабе уулын хэт өндөр даралтын метаморф бүс багтжээ.
Холбооны мэдээлснээр, бүтцийн геологийн ангилалд багтсан Сяньшуйхэ хагарал Чинхай-Түвдийн өндөрлөгийн зүүн захаар 350 км үргэлжилдэг бөгөөд Шинэ Зеландын Альпийн хагарал, АНУ-ын Сан Андреасын хагарал зэрэг алдартай газруудын эгнээнд нэгджээ. Энэ хагарал өвөрмөц гадаргын хэлбэр, өнгөрсөн газар хөдлөлтийн геологийн нотолгоог хадгалж байгаа юм.
Хятадын геологийн албаны судлаачид энэ хагарлыг олон жил судалж, тивийн доторх хамгийн идэвхтэй хагарлын бүсийн нэг болохыг тогтоожээ.
Энэ нь тивийн гүн дэх газар хөдлөлтийн үйл явц, давхацсан геологийн аюулыг судлах байгалийн лаборатори болж, газар хөдлөлтөөс сэргийлэх шинжлэх ухааны чухал үндэс болж байна.
