Орос Иранд 90 пуужин харвагч нийлүүлэхээр тохиролцсон гэх мэдээлэл гарчээ
Хоёр орны цэргийн харилцаа Украины дайн эхэлснээс хойш бэхжсээр байна.
Орос 2024 онд Иранд дэвшилтэт 90 пуужин харвагч нийлүүлэхээр тохиролцсоныг Оросын батлан хамгаалахын томоохон үйлдвэрлэгчийн баримт бичигт үндэслэн Файнэншл Таймс сонин мэдээлсэн тухай Аль Жазира телевиз бичжээ.
Харвагчууд нь хөдөлгөөнт байг онох чадалтай Оросын хөнгөн олон зориулалтын удирдлагат пуужинд зориулагдсан бөгөөд Иранд байгаа Ми-28 довтолгооны нисдэг тэргэнд суурилуулна. Захиалгыг нийлүүлсэн эсэхийг Аль Жазира баталгаажуулж чадаагүй байна.
Энэ мэдээлэл Ираны Үндэсний аюулгүй байдлын дээд зөвлөлийн нарийн бичгийн дарга Мохсен Резаи Москвад Путинтэй уулзсаны маргааш гарчээ.
Хоёр орон 2025 оны 1 дүгээр сард иж бүрэн стратегийн түншлэлийн гэрээ байгуулсан ч Орос, Хойд Солонгосын гэрээнээс ялгаатай нь харилцан хамгаалах заалт агуулаагүй. Ираны армийн хэвлэлийн төлөөлөгч Мохаммад Акраминиа Тегеран Оросын Су-35 сөнөөгч онгоц худалдан авсныг Бямба гарагт мэдэгдсэн байна.
Украины дайны үеэр Тегеран Москвад сум, их бууны сум, галт зэвсэг, богино тусгалын баллистик пуужин, дуулга, сум нэвтэрдэггүй хантааз нийлүүлсэн бөгөөд нисгэгчгүй онгоц нийлүүлсэн гэж сэжиглэгдэж байгаа юм.
