Оросын үүлэн үйлчилгээ үзүүлэгч Бегет кибер халдлагын дараа хэрэглэгчдийн тал хувийн өгөгдлийг л сэргээж чадна

Санкт-Петербургийн үүлэн үйлчилгээ үзүүлэгч Бегет компани кибер халдлагын дараа өндөр хүчин чадалтай виртуал серверийн өгөгдлийг хэрэглэгчдийн зөвхөн талд нь сэргээж чадахаа мэдэгдсэнийг Интерфакс агентлаг мэдээлжээ.

«Харамсалтай нь бүх өгөгдлийг сэргээх боломжгүй» гэж компанийн мэдэгдэлд дурджээ.

Одоогоор Бегет виртуал хостингийн серверийн 60 хувийг, компанийн удирддаг тусгай серверийн 40 хувийг сэргээж ажиллуулжээ.

Компани үүлэн дэд бүтэц нь устсан тул шинээр байгуулж байгаа бөгөөд аюул заналхийлэл үргэлжилсээр байж болзошгүй гэж болгоомжилж байна.

11 дүгээр сарын 2-ны шөнө хакерууд компанийн удирдлагын серверт нэвтэрч, серверээс өгөгдөл устгах хортой программ ажиллуулжээ. Бегет халдлагыг илрүүлж, хортой программ ажиллаж эхэлснээс 25 орчим минутын дараа бүх серверээ сүлжээнээс салгасан байна. 2007 оноос үйл ажиллагаа явуулж буй компанийн 2025 оны орлого 1.8 тэрбум рубль байжээ.